Milliarder Alisher Usmonov Paxtakor klubiga nechi pul kiritdi?
"O'zbekiston 24" telekanali Usmonovning FK "Paxtakor"ga qilingan investitsiyalari haqida hujjatli film taqdim etdi.
Ko'pchiligimizga tanish bo'lgan vatandoshimiz milliarder Alisher Usmonov "Paxtakor" futbol klubiga qariyib 20 million dollar investitsiya kiritdi. Bu haqda "O'zbekiston 24" telekanali biznesmen haqidagi hujjatli filmida bildirib o'tdi.
"Shu yil Paxtakor klubi barchamizni xursand qilib kelmoqda, bularning bosh sababchisi Alisher Burxanovich klubdagi barcha narsalarni o'zgartirib yubordi: boshqaruvni, trenerlarni, falsafani", - deb gapirib o'tdi klub bosh murabbiyi Shota Arveladze.
Yaqin yillarda klubning stadionida ham katta modernizatsiya ishlari olib boriladi, stadion yangi loyiha uchun 100 million dollar pul ajratilishi kutilmoqda.
"Men o'zbek bo'lib tug'ilganimdan va ushbu yeru zamin mening vatanim ekanligidan juda faxrlanaman, men O'zbekiston uchun nima yordam kerak bo'lsa o'sha zahoti qilishga tayyorman", - deb aytib o'tda Usmonov teledastur efirida.
Sport ustasi Birodar Abduraimovning aytishicha, Alisher Usmonov qachonlardir o'zi ham sportchi bo'lgan, shuning uchun ham Paxtakorga shaxsan o'zi yordam qo'lini cho'zdi va qolaversa bu komandani juda sevadi.