Humo qushi tasvirlangan qadimiy shamdon tutqichi topildi.
Sirdaryoda arxeolog Aleksey Gritsina rahbarligidagi ilmiy ekspeditsiya tomonidan "Eski Xovos" tepaligidan Humo qushi tasvirlangan shamdon tutqichi topildi. Bu haqda "Xalq so'zi" gazetasi xabar bermoqda.
- Buyuk Ipak Yo'li "Eski Xovos" qadimda karvonsaroy vazivasini bajargan, - deydi Sirdaryo viloyati o'lkashunoslik muzeyi ilmiy tadqiqiot markazi a'zosi, tarix fanlari nomzodi, dotsent Boymirza O'roqov. - Hozirgacha bu yerda noyob, muhim ilmiy ahamiyatga ega ko'plab tarixiy-arxeologik ashyolar topilgan. "Yunon devori" deb nomlangan inshoot qoldiqlari esa uning juda ko'hna manzillar sirasidan ekanligini isbotlaydi.
Olimlar uni XI-XII asrlarga taaluqli, deb baholashmoqda. "Eng quvonarlisi shundaki, ushbu topilma - Humo qushi qadimda ajdodlarimizning ezgulik va baxt timsoli bo'lib kelganligini tasdiqlovchi tarixiy dalil ekanligi bilan qimmatlidir", - deyiladi xabarda. Qolaversa, Termiz arxeologik muzeyida ham shunday surat muhrlangan yana bir qadimiy idish saqlanmoqda.