Maxbus nolasi

Yigit nolasi foto

Maxbus yigit nolasi.

Do'stlarim eshiting so'ngi nolamni.
Men qilgan xatoni qilmaslik uchun.
Pulni deya o'zimni ne ko'yga soldim.
Yigitlik g'ururim kimlarga sotdim.

Qo'lu oyoqlarim yo'q bo'lmasmidi.
Balki shunda dushman tanimasmidi.
Vatanga xiyonat qilgandan ko'ra.
Jonimga qasd qilsam bo'lmasmidi.

Ota - onam yuzin yerga qaratdim.
Ko'zlarini bir umrga yoshlatdim.
Tilab-tilab olingandim xudodan.
Duolar qilingan momo xavodan.

Inson bo'lmoqlik xam osonmas ekan.
Xayotim tugadi charchadim ukam.
Afsus nadomatda ko'z yoshlanarkan.
Dunyoga bir marta inson kelarkan.

Yuzimni ismimni almashtirolsam.
Qaniydi dunyoga qayta kelolsam.
Oilam yuzin yerga qaratmasmidim.
Singlim fotixasin, buzdirmasmidim.

Yuragim qon, bo'g'zim aro tikilar.
Endi nima bo'lar singlim ne qilar.
Chorasizman aka bo'lib yo rabbim.
Farishtamni saqla o'zing panoxim.

Yoshlikda o'ylamay bosgan qadamim.
Essiz uvol bo'ldi yigitlik damim.
Mankurt ablaxlarni tanladim ketdim.
Vatanimdan ayrilib zulmatga yetdim.

Qo'llari qon hayvonlarga aldandim.
Inson emas shaytonlarga aldandim.
Yig'lab-yig'lab dunyolarga kelgandim.
Orzu qilgan zulmatlarga saylandim.
Vatanimda maxbuslikka aylandim.

Mana endi jabr tortyapman ota.
Sog'indim bag'ringiz farishta ona.
Sog'indim hovlimni, buloq suvlarni.
Ex essiz yoshlikda o'tgan damlarni.
Gunohkor bir novbakorga aylandim.
Maxbus bo'lib zulmatlarga saylandim.

Ne ishlarni qilib qo'ydim bilmadim.
Yoshlik qilib ota-onam qiynadim.
Xoin razil mankurtlikni tanladim.
Musofirda millatimni xo'rladim.
Gunohkor bir novbakorga aylandim.
Orzu qilgan zulmatlarga saylandim.

Ukam opam singillarim o'ylasam.
Jiyanlarim do'stlarimni o'ylasam.
Boylik deya ne ishlarni qildim men.
Yaqinlarim pichoq bilan so'ydim men.
Vatanfurish xoinlarni tanladim.
Bir umrga maxbuslikka aylandim.

Bilsam vatan otam, onam singlim ekan.
Qani endi boshqatdan tug'ilsam ekan.
Noshud o'glingizni kechiring otam.
Oq sutingiz xurmati kechiring onam.

Orzularim osmoni bepayon edi.
Etirofni olardim, nixol olardim.
Vatanimga sodiq bir o'glon bo'lardim.
Mard bo'lar edim Jasur bo'lardim.
Sadoqatim bilan xizmat qilardim.

Azroil kelsayu jonimni olsa.
Roziman yig'lamang aslo hech onam.
Imkonim borida yashay olmadim.
Notovon o'glingiz kechiring otam.

Yuragimdan chiqqan so'zni eshiting.
Maxbus bo'lib yozgan nomamni o'qing.
Musofirda yurgan o'zbek o'g'lonlar.
Ehtiyot bo'ling siz vatanga qayting.
Omonat joningiz kadrini biling.

Bilsangiz vatanim xazina ekan.
Duru gavharlarga boy makon ekan.
Istiqboli porloq xur diyor ekan.
Ota-ona , oilang muqaddas ekan.
Ular xam shu vatan bo'lagi ekan.

Do'stingizni aslo men kabi sotmang.
Qudratli davlatim obro'sin tukmang.
Vatan bu ona bu singilku saqlang.
O'zbek-o'zbek bilan aslo talashmang.
Nomusni saqlangda sharafni oqlang.

Maxbusning nolasin yetkazgan inson.
Xotirasin o'qib qalblari vayron.
Chet eldagi ham yurtlarga imtixon.
Zar satrlar bitdi Baxodir Sulton.

BAXODIR SULTAN.