Qanday qahvani xush ko'rasiz?
Braziliyalik qahva (kofe) ishlab chiqaruvchilar olimlardan uning insonlarga ta'siri qandayligi haqida aniqlashni so'rashgan. Tadqiqotda ishtirok etgan ko'ngillilarning ko'zini bog'lashib, miyadan chiquvchi impulsini kuzatishgan. Bir chashka qahva (kofe) erkaklarda ta'sirchanlikni oshirib, asabiylikni keltirib chiqaradi. Ayollarda esa sevgi tuyg'usi jo'sh urishi aniqlangan. Olimlarning ta'kidlashicha, qahva haqiqatan ham muhabbat qahvasi hisoblanar ekan. Ayniqsa, ishga berilgan ayollarga qattiq ta'sir qiladi. Agarda sizga maqsad sari intiluvchan ayollar yoqsa, uni darhol qahvaga taklif qiling.
Qahva ko'pchilikning sevimli ichimligi hisoblanadi. Uning tetiklashtiruvchi xususiyati hech kimga sir emas. Kimdir qahvani achchiq holida, ba'zilar esa shirin ichishni xush ko'radi. Ruhshunoslar insonlarning qahva ichishiga qarab ham uning fe'l-atvorini aniqlaydilar. Endi siz ham bu haqda bilishingiz mumkin. Marhamat! Shakarsiz mayda qahva — siz kuchli fe'l-atvor sohibi hisoblanasiz. Qilgan noo'rin harakatlaringizdan umuman qo'rqmaysiz. Ishdagi mas'uliyatni his etishingiz biroz qiyin. Shakarli mayda qahva — siz mas'uliyatli inson hisoblanasiz. Bir ishni boshlashdan avval «Yetti o'lchab, bir kesishni» xush ko'rasiz. Do'stlaringiz uchun joningizni ham berishga tayyorsiz. Ko'pikli qahva — kerak bo'lgan vaqtda aql bilan ish yuritishdan ko'ra, qalbingizga quloq tutasiz. To'g'riso'zlik, qo'li ochiqlik va yaxshilik ulashish sizning asosiy fazilatlaringiz hisoblanadi.
Eruvchan qahva (kofe) — maqsad sari intilishdan umuman charchamaysiz. Boshlagan har bir ishingizni muvaffaqiyatli yakunlab, obro'-e'tiborga loyiq bo'lasiz. Agarda hozircha ko'nglingizdagi natijalarga erishmagan bo'lsangiz, unda hali hammasi oldinda. Shakar va sutli qahva — bunday tarzda ichishni xush ko'ruvchilar og'ir-vazmin fe'l-atvor sohibi hisoblanadi. O'ammaning ko'ngliga yo'l topa olishlari sabab, bekordan-bekor tushunmovchiliklar yuzaga kelmaydi. Siz sevish va sevilish uchun yaralgansiz. Yirik qahva (kappuchchino, glyase) — sizning fe'l-atvoringizni tushunish judayam qiyin. Turli xil sarguzashtlarni xush ko'rasiz. Olam-olam orzu qilishdan charchamaysiz.