Arslon burji (23.07-23.08).
Arslon burji haqida to'liq ma'lumot, 23.07-23.08 da tug'ilganlar uchun. 2019-yil 20-mart.
Umumiy ta'rif: Olov ramzi bo'lgan Arslon burjining asosiy fazilatlaridan biri ularning oqko'ngilligidir. Arslon hayvonlar shohi bo'lsa, Arslon burji vakillari barcha odamlar ustidan hukmronlik qiladi. Jumladan, sizning ustingizdan ham. U zerikish va zulmatniyomon ko'radi. U bilan munosabatda bo'lish uchun dadil bo'lishingiz kerak.
Arslonlar kishilarda g'alati taassurot qoldirishadi. Maslahatlar berishni yoqtirishadi. Hammaga qanday yashash kerakligini tushuntirishni yaxshi ko'rishadi. Ular haqiqatan ko'p narsalarning fahmiga boradilar va ularga ko'p o'git berishga huquq beradi. Lekin ularning o'zlari hayotlarini mustaqil izga tushura olmaydilar.
Arslonlar mag'rur, ularning ko'ngli juda nozik. Agar ularning donoligi va sahiyligini hurmat qilmasangiz, tezda ranjiydilar. Ular – shuhratparast, bu Arslonlarning nozik joyi. Erkalash ularga moydek yoqadi. Bu ikki hislat ularga bir qarorga kelishda halaqit beradi.
Arslonlar orasida odatda bevalar va bo'ydoqlar bo'lmaydi, chunki ular doim sevadilar va seviladilar. Biroq g'ururlari sababli ko'pincha nikohlari omadli bo'lmaydi. Umr yo'ldoshisiz esa Arslonlar juda ham g'amgin bo'lib qolishadi.
Arslonlarning tana harorati tez-tez ko'tarilib turadi. Ularning kutilmaganda og'ir hastaliklar bilan og'rish ehtimoli ko'p. Lekin surunkali kasallliklar bilan deyarli og'rimaydilar. Arslonlarda yurak, bel, oyoq og'rishi ko'p uchraydi. Barcha arslonlar mish-mishni yaxshi ko'rishadi. Ular atroflarida sodir bo'layotgan hamma narsadan albatta xabardor bo'lishlari kerak.
Erkak arslon burji sohiblari haqida.
Arslon izidan - yigit so'zidan qaytmaydi degan gap bejizga aytilmagan shekilli ushbu burj vakillariga juda ham mos keladi.
Atrofida albatta uni tinglaydigan odamlar bo'lishi kerak. Siz uning uchun “hamma” bo'la oling va hammaning o'rnini bosing, shunda siz uning mehrini qozonasiz. Yodingizda bo'lsin, u yumshoq fe'lli kishini rolini o'ynayapti, xolos. Uning muloyim muomalasi ostida istalgan paytda olovlanib ketib, uni boshqara olaman, deb xomxayol bo'lgan ayolni yoqib yuborish mumkin bo'lgan cho'g' yotadi.
Arslon ayol kishi bilan munosabatlarida kamdan-kam hollarda pulni tejaydi. Unga qarshilik qilishingiz uchun sizda metin yurak bo'lishi kerak. Uning rashki kuchlimi? Ha! Uning rashki har doim miyangizda tinmay charh urib tursin.
U hamma vaqt do'konga nega 15 daqiqa deb ketib, bir soatdan keyin kelganingiz, ko'chada kimlarni uchratganingiz va tashqarida sizga kim nimalar deganini bilishi kerak. U derazaga qarab qarab nimalarni o'ylayotganingizni albatta bilib oladi.
Erkak arslonni tanlagan ekansiz, biror bir mavqe va darajaga erishish haqida unuting, sizning obro'yingiz ham, mavqeyingizu darajangiz ham endi u – Erkak Arslon! Sizning ishlashingizga imkon beradi, lekin uning ishi oldida siz qilayotgan ish hech narsa emas, buni tushunishingiz kerak. U raqobatga hech toqat qila olmaydi. Odamlar orasida siz malika darajasiga ko'tarila olishingiz kerak, agar buning imkonini topolmasangiz Arslon bilan biror ish chiqishiga umid qilmasangiz ham bo'ladi. Sevgi tufayli oila qurgan bo'lsangiz, agar uydagi hamma narsa uning atrofida girdikapalak bo'lsa, u yaxshi, oqko'ngil, e'tiborli er bo'la oladi.
Agar siz uning sadoqatini saqlab qolmoqchi bo'lsangiz, uni muhabbat sharobi bilan siylang. Aks holda sevgi va olqishlanishga bo'lgan ehtiyoj uni boshqa joydan axtarishga majbur qiladi. Arslon go'zallikni juda ham qadrlaydi. U boshqa chiroyli ayollarga qaraganida o'zingizni qo'lga olishga o'rganing. Buni u g'arazsiz qiladi.
Ayol arslon burji sohibalari.
U erkaklar o'rtasida juda ham mashhur, unga egalik qilish uchun ko'plab raqiblar bilan musobaqalashishingizga to'g'ri keladi. Kamdan-kam hollardagina turmushga chiqqanidan so'ng familiyasini o'zgartiradi. Ko'pincha boshqa ayollar ustidan malikalardek hukmronlik qiladi. Ayollar bilan do'stlikni unchalik qadrlamaydi, erkaklar davrasini Afzal ko'radi. Tabiat uni teran aql, lobarlik va go'zallikda raso qilib yaratgan. Agar ayol Arslon sizni hurmat qilsa va sizning umr yo'ldoshingiz bo'lishga rozi bo'lsa, o'zingizni baxtli sanayvering. O'zini sevishga ruxsat bera turib, u sizni shohlik darajasiga ko'taradi.
