Baliq burji (20.02-20.03) haqida
Erkak Baliq burji soxiblari haqida.
Bu burj vakilining ko'ngli nihoyatda nozik. Unda sezish qobiliyati shu qadar kuchli rivojlangan-ki, ko'pincha o'zining bashoratgo'yligi bilan atrofidagilarni lol qoldiradi. Shinamlikni sevadigan, saxiy va mehmondo'st inson. Xotirasi kuchli va fanlarga qiziquvchan. Agar Baliq burjida tavallud topgan erkak astoydil harakat qilsa, o'z axdini ishlata bilsa, u boy-badavlat insonga aylanishi mumkin. Eng muhimi, u 25 yoshga qadar o'z yo'lini aniq belgilab olmog'i lozim.
Hurmatli ayollar, agar turmush o'rtogingiz Baliq burjida tavallud topgan bo'lsa, siz uni mehmat qilishga o'rgatishingiz lozim. Chunki bu burj ostida tavallud topgan erkak cho'ntagida sariq chaqasi bo'lmasa ham sizga dunyoni olib berishni va'da qilishi mumkin. Agar siz bunga ko'na olsangiz, ajoyib xayolparast sizga nasib etadi, albatta.
Baliq hech qachon o'zgalar sirini oshkor etmaydi. Birovlarning ishiga burnini suqmaydi. U dardingizni eshitishga tayyor bo'lishi barobarida, sizni qayg'uga solgan muammolar uchun siz bilan bir qatorda qayg'urishi mumkin.
Agar Balig'ingiz vaqti-vaqti bilan indamas, kamgap bo'lib qolsa, buning uchun koyishning keragi yo'q.
Esingizda bo'lsin: u shu qadar ta'sirchanki, xafa qilish nihoyatda oson. Uning harakatlarini, urinishlarini yuqori baholayotganingizni ko'rsating. Baliq burjida tavallud topgan erkak o'z rashqini sezdirmaydi. Ammo uni befarq ekan, deb o'ylamang, qanchalik shoirtabiat bo'lmasin, nima bo'lgan taqdirda ham u erkak va shuning uchun sizdan so'zsiz sadoqat talab etadi.
Baliq go'zalikka o'ch. Eng muhimi uni tejamkor bo'lishga o'rgating va bu borada unga namuna bo'lishga harakag qiling. Agar uni tushuna olsangiz, unga muhabbatli, sadoqatli bo'lsangiz sizning baxtli hayotingiz kafolatlangan. Eng asosiysi, u bolalarni juda ham sevadi. U o'z farzandiga hech qachon qattiq gapirmaydi va hamisha muloyim bo'lishga intiladi.
Ayol Baliq burji sohibalari haqida.
Bu burjda tavallud topgan ayollar malohatlidirlar. Go'zallikda ularga teng kelish oson emas. Xashamat, qulaylik va go'zallikka o'ch bo'lishadi. Ushbu burj vakillaridan ajoyib ona va rafiqa chiqadi. Eng avvalo, shuni qayd etmoq kerakki, u har qanday erkak orzusidagi ayoldir. U turmushga chiqish-chiqmasligidan qat'iy nazar erkak kishining hurmatini doimo joyiga qo'yadi. Hech qachon kuchli jins vakiliga so'zini o'tkazishga intilmaydi. Eng muhimi, u erkak kishining himoyasiga va mehriga muhtoj.
Baliq burjidagi ayolning latofatiga qoyil qolmay ilojingiz yo'q, Erkaklar unga bir qarashdayoq oshiq bo'lishadi.
Bu ayol boshqa burjda tavallud topgan ayollar uchun o'ta xavfli "raqiba" ekanligi haqida aytib o'tirmasak ham bo'lar?!
Ammo bitta "lekin"i bor. Ayol Baliq o'zi tanlagan erkakka turmushga chiqqanidan so'ng o'z talablarini qo'ya boshlaydi. Talablar esa juda katta bo'ladi.
Aziz erkaklar, agar sizning tanlaganingiz aynan Baliq burjida tavallud topgan bo'lsa, siz hech qachon uning tug'ilgan kunini unutib qo'ymang. U bu xatoingizni unutmaydi.
Eng muhimi, yodingizdan chiqmasin, baliq burjida tug'ilgan ayol qaysi soxada faoliyat yuritishidan qat'iy nazar latofatli bo'lib qolaveradi.
- Omadli raqami: 9,12 va 7.
- Nozik azolari: tovon, asab kasalliklari.
- Fe'l-atvori: ajoyib suxandon.
- Omadli rangi: moviy, binafsha va tovlanuvchi ranglar.
- Qisqichbaqa va Sunbula bilan ajoyib juftlik.
- Chayon bilan nomutanosib nikoh.
