Buzoq burji (21.04-20.05)

Umumiy ta'rif: Buzoq burji ostida tug'ilganlar kuchli, kamgap, lekin o'ziga ishongan kishilardir. Yaqindan tanishmaguningizcha ular sizga sirli odam bo'lib tuyulaveradi. O'zlari juda bosiq, kam gapiradilar. Ularning  xotirjamligini buzish qiyin. Kamdan-kam Xollarda jaxllanadilar, odamlar ularni tinch qo'yishlarini istaydilar. Buzoqlarni qarama-qarshi jins vakillari juda xam qiziktiradi. Lekin tanlagan kishilarini ta'qib qilmaydilar. Ular mexmonga borishdan ko'ra o'z uylarida dasturxon yozib, mezbonlik qilishni yaxshi ko'radilar. Uylarini qadrdon bilib, yon-atrofni yaxshi ko'radilar. Shuning uchun xar qanday jiddiy o'zgarish ularni tushkunlikka soladi. Buzoqlar tabiatga yaqin, ular tabiatni, gullarni yoqtiradilar. Ularning oilasi va do'stlariga bo'lgan sadoqatiga xavas qilsa arziydi. Juda kam hollardagina bag'ritosh bo'ladilar va o'ch oladilar. Buzoqlar musiqa va rassomchilikka qiziqadilar. Fikrlari kar doim teran va tiniq. Ularning shiori: o'z uyim o'lan to'shagim. Ular o'ta sabrli. Shunga qaramasdan Buzoqlarning asosiy xislati bu qaysarlikdir.

Erkak Buzoq burji soxiblari.

Erkak Buzoq juda ham e'tiborli va muloyim bo'lishi mumkin U sizning yaxshi kiyinishingiz uchun harakat qiladi, sizga sovga qiladi, oxshomlari sayr qilishga taklif etadi! U siz bilan tanishgan kunni yoki boshqa tantanali sanani unutmaydi, yonida bo'lganingizda atrofga alanglamaydi. Shunga qaramay, Buzoqlar bilan yashab ketish oson emas. Buning uchun ayol o'zini qanday tutishni oldindan yaxshilab o'ylashi kerak. Baland ovozda so'zlovchi va qo'pol ayolga hech bir Buzoq toqat qilolmaydi. Agar sizning fikringiz boshqa bo'lsa, Buzoqqa hammaning oldida ayta ko'rmang.
Jahllangan Buzoqni o'ziga keltirishnimg eng oson yo'li uni o'z holiga qo'yishdir. Lekin qanchalik jaxli chiqmasin u hech qachon ayol kishini yolgiz koldirmaydi. Unga arz qila ko'rmang. Erkak Buzoqqa qilingan hazil ham tagi zil bo'lishi mumkin. Bor sabrini yig'sada, u bunga chidab turolmaydi. Ammo unga kanaday yopishib olish kam noto'g'ri. Erkak Buzoq ozodlikni yaxshi ko'radi.

U umr yo'ldosh tanlayotganda sizni uzoq kuzatadi. Birdaniga siz bilan jiddiy munosabatlarni boshlamaydi. Unga kerak ekanligingizni anglashi uchun vakq kerak.
Moliyaviy tomondan Buzoqlarning hamma vaqt oshiqlari olchi. U qishloqni: baliq ovini, tabiatni xush ko'radi Tarixga oid kitoblar va buyuk insonlar biografiyasini o'qishni afzal biladi. Erkak Buzok o'zida erkaklarga xos sifatlarni uyg'unlashtiradi, shu sababli uni to'yimli uy ovqati bilan parvarish qilish kerak. Buzoq - tengi yo'q ota. Uning uyi shinam va sokin bo'lishi kerak. Muxabbati sof. Uni avaylang, hayotingiz go'zal bo'ladi.

Ayol Buzoq burji soxibalari.

Ayol Buzoqlar latofatli va go'zal bo'ladilar. Bu ayollar chiroyli narsalar, gullar, liboslar, mazali taomlar va vinolarni yaxshi ko'radilar. Odatda, u xotirjam va bosiq agar jaxli chiqsa, hatto kuchli erkakni ham cho'chitib yuborishi mumkin. Erkaklar Ayol Buzoqni qanday bo'lsa shundayligicha qabul qilishadi. Agar unga biror kimsa yoqmasa, o'sha odamni xafa qilmaydi, balki undan o'zini olib qochadi. Ayol Buzoq dushmanlariga umuman beparvo, lekin do'stlariga sodiq. Sizdan ham shunday muomalani kutishini unutmang. Ayol Buzoqning oshxonasi erkaklar uchun haqiqiy qopqon pazandaligi bilan har qanday erkakning ko'nglini ovlaydi. Ular san'atni qadrlashadi. Ayol Buzoqning guldonlarida qurib qolgan gullarni ko'rmaysiz. Hidlarga e'tibor beradi. Shuni unutmagan holda siz ham yaxshi atirdan foydalanishingiz lozim. U mayin matolardan tikilgan, sport rusumidagi ixcham kiyimlarii tanlaydi. U juda kuchli ayol. Kamdan-kam xollarda talabchan bo'ladi. Faqat sizdan sadoqatni talab qilishi bundan mustasno. Onalik unga juda ham yarashadi. O'smirlar bilan juda qattiqqo'l bo'lib, ulardan tartibli bo'lishni talab qilishi mumkin. Dangasalik, pala-partishlik quloqsizlikka chiday olmaydi. Bu uning g'azabini keltiradi. U bolalariga onadan ko'ra do'stdek yaqin bo'ladi. Ayol Buzoq qishloqlarda yoqimli taassurot qoldiradi u juda ham mehmondo'st. U haqiqatan ham buyuk ayol.