Egizaklar burji (21.05-21.06).
Umumiy ta'rif: Egizaklar qiziq fe'l-atvor sohiblaridir. Ularning fe'lida qarama-qarshilik mavjud. Egizaklar aqlli, ular hamma narsaga qiziqishadi, turli sharoitga osongina moslashib ketishadi. Ushbu burj vakillarini ikki kishi boshqarayotganga o'xshaydi. Jaxli burunlarining ustida turadi. To'satdan kiyimlarini, ishini, yashash joyini, qarorlarini va fikrlarini o'zgartirib yuborishadi. Xatto o'qib turgan kitoblarini yana boshqatdan o'qishlari mumkin.
Ular ko'p gapirishadi, lekin boshqani tinglay olishmaydi. Qomati tik, kelishgan. Egizaklar chaqqon bo'lishadi, ular har qanday vaziyatdan tez chiqib keta olishadi. U bilan faqatgina Qovg'alar raqobatlasha oladilar. Bu burj vakillari bir vaqtning o'zida birdaniga bir necha ishni tugatishlari mumkin. Kechikish ular uchun odat, uchrashuv vaqtini unutib qo'yganliklari uchun emas, balki ularni boshqa narsa chalg'itgani sababli bu narsa sodir bo'ladi. Egizaklardan ajoyib siyosatchi chiqadi. Ular inson munosabatlarining bilimdoni sanaladilar. Ular o'tkir qalam sohiblari bo'lib, bu xislatlari bilan boshqa burj vakillaridan ajralib turadilar.
Erkak Egizaklar burji soxiblari.
U bilan g'alati voqealar ko'p sodir bo'ladi, masalan u tuz uchun do'konga dushanba kuni chiqib ketgan bo'lsa, chorshanba kuni qaytib kelishi mumkin. Agar u tuz o'rniga gugurt ko'tarib kelgan bo'lsa, undan sira xafa bo'lmang va achchiqlanmang. Agar Egizak burjidagi insonni sevib qolgan bo'lsangiz, unda siz yolg'izlik azobi va zerikishdan qutuldim, deb o'ylayvering. Siz bilan har doim, hamma vaqt ikkita odam yonma-yon bo'ladi: ikkalasi ham siz tanlagan kishi. Siz hech qachon uning qayerdaligini va qachon qaytishini bilmaysiz. U qayerda bayram, xursandchilik bo'lsa, o'sha yerda hoziru-nozir. Bundan shubhalanmasangiz ham bo'ladi. Egizak erkak bilan ishqiy munosabatlaringiz juda yoqimli va yengil bo'ladi, agar unga juda yaqinlashib, ishga ketayotganida ko'z yosh to'kib, bo'yniga chirmovuqdek osilib olmasangiz.
Erkak Egizaklar eski o'rtoqlarini yangilarini topgani uchun o'ylab ham o'tirmasdan tashlab ketishi mumkin. Bu hol uning diydasi qattiqligidan kelib chiqmaydi, shunchaki u hamma joyda o'zini o'z uyidagidek juda erkin his qiladi va kamdan-kam xollardagina eski do'stlarga, narsalarga bog'lanib qoladi. U sizga sodiq qoladimi? Ha. Biroq u odamlar orasida o'zini ko'z-ko'z qilishni, ayollarning yoqimtoyi bo'lishni yaxshi ko'radi. Uning atrofida har doim mish-mish, shov-shuvlar yuradi. Shunga qaramasdan kamdan-kam Erkak Egizaklar, agar unga rostdan ham ishonsangiz, sizga yolg'on gapirmaydi. U sizning har qanday yashirin iztirobingizni yuzingizdan bilib oladi.
Erkak Egizak bilan oila qurishga qaror qilgan bo'lsangiz, "agar" so'ziga ko'nikishingiz lozim (agar, men sevganimda, agar istaganimda...). Bu so'zlarga e'tibor bermang, yoringiz ularni ehtiyotkorlik yuzasidan aytadi, xolos.
Ayol Egizaklar burji soxibalari.
Agar siz hayotingizni qiziqarli bo'lishini istasangiz Ayol Egizakka uylaning. U ajoyib o'rtoq har tomonlama yetuk aqlli, harakatchan va orzumand, oqko'ngil va talabchan, itoatkor va shu bilan birga qaysar ayol. Ayol Egizak bilan hech qachon zerikmaysiz. U o'z xayollari bilan qayerlardadir uchib yuradi. Uning yuragiga chuqurroq kirib borsangiz, ehtirosga to'lib toshgan ayolni ko'rasiz.
Bir vaqtning o'zida sizdan ham hayratlanishi, ham sizni tanqid qilib achchiq tanbeh berishi mumkin. Lekin bu holat sizni undam uzoqlashtirmasin, siz tanlagan ayol ba'zida ko'ringani kabi bag'ritosh emas. Ayol Egizakning fe'lini muhokama qilmang. Tushunishga harakat qiling, mehr ko'rsating. Uning ko'nglida har doim qarama-qarshi fikrlar g'ujg'on o'ynaydi. Ayol Egizak bilan maroqli suhbat qurish mumkin.
Agar unga uylansangiz, zerikish tuyg'usi sizga begona bo'ladi. Xotiningizning orzulari va intilishlari bir joyda muqim o'tirib qolishingizga yo'l qo'ymaydi. Undan ortda qolmaslikka va o'ziga bildirmasdan uning yugurishini sekinlashtirishga harakat qiling. Buni ich-ichidan uning o'zi ham istaydi. lekin bildirmaydi. Unga yordam berishga harakat qiling, siz unga hamisha keraksiz.