Ota va qiz ... (real voqea asosida yozilgan)

Otam nohaq... (real voqea asosida yozilgan)

Oilamizda ikki farzandmiz, onam oddiy uy bekasi, lekin otam...
Otam juda va juda qattiqqo'l. Minut sekundigacha, qadamimizni santimetr millimetrigacha bizni tekshirardi. Otamning qattiqqo'lligidan nolimagan odamim qolmagan. Sal kechga qolsam, yoki qo'ng'iroq bo'lib jim turib qo'yib qo'yishganida onam istehzoli kulsa otamning jazavasi tutardi. Onam nima qilipti bo'yi etdi yigitlar ortidan yuradi-da desa otam yo'q meni qizim sovchi kelganiga turmushga chiqadi derdi.

Otamni doim sobiq ittifoqdan qolgan hayol bilan fikr yuritadi deb bilganman. Ya'ni modadan qolgan fikrlar. O'tirishlarni tushunmaydigan, tug'ulgan kunlarni tushunmaydigan va hokazo. Avval tug'ulgan kun, keyin diskoteka, keyin kola, keyin shampan, keyin aroq va to'shak buyog'i ko'cha fohishasi. Mana shu ularning doooimgi fikrlari. Yigitlarga doim bir narsa kerak otam fikricha.

Bir yigit bilan sevishdik. Yo'q, otam muhabbatni sezmagan tushunmaydi, bu yigitning xatlarini o'qitsam bormi? Otam yig'lab yuborsa kerak. Vaholanki yo'q yig'lay olmaydi. Otam hech qachon umrida yig'lamagan, mansabi ham qo'ymasligidandir. Axir kattagina mansab egasi, viqor bilan yuradi, salobati naq mahallamizni bosadi. Bir o'qrayishidan hammasi tushunarli. Otam bizlar bilan asosan shu ko'z qarashlari bilan gaplashadilarda.

Suyganimning smslari meni allalar, sovg'alari xonamda muzeyga aylandi. Otamga bildirmay kechasi ham aylana boshladik. Yaxshiyam onam bor. Ha uyoqda, ha buyoqda o'zim jo'natdim balo battar deb to'g'irlab turardilar. Ukam hali maktab o'quvchisi, bitta shokolad bersam nima aytsam shuni yodlab otamga guvoxlik berib turaveradi.

14 fevral' sevishganlar kunida ilk bora bo'sa oldi... Boshqacha bo'larkan... Munosabatimiz kundan kun mustahkamlanaverdi, kvartirasiga ham boradigan bo'ldik. Hullas....

Yo'q baribir otam nohaq. Axir sevamiz-ku. Otamga uzun quloq gaplar bir yigit bilan yuradi deb etkazishganida vajohatini ko'rsangiz edi. Bir shapaloq urdiki... Onam dod deb ajratib qoldi. Uydan qochib ketdim. Suyganim bilan yashay boshladim. Onasi uylantirishni boshlamaguncha...

Yo'q otam baribir nohaq. Chunki suyganimni nima aybi bor? Ota-onasi xoxlagan qiz men emasman. Yig'ladim siqtadim, kvartirada ikkinchi xotin bo'lib qolaverdim. Bu orada qizlik ham bo'ldim. Suyganimni bu orada boshqasi bilan ham tutib oldim. Xotining uyingda bor, kvartirada men ikkinchi xotin nima etishmaydi? Seni deb oilamdan kechdim deb rosa qirg'in qildim. Birinchi oilasinikiga qizim bilan borib to'polon qildim. O'z uyida ko'rib sharmandaga chidolmay ura ketdi. Qo'limga kelgan narsa bilan ximoyalandim. Natijada suyganimni temir bilan urib nogiron qilib qo'ydim.
Qamaldim.

Baribir otam nohaq. Axir bu oddiy xayot! Hech kim sug'urtalanmagan! Sudimga...
Sudimga Otam keldi...

Yo'q, hukmni ham eshitmadim... eshita olmadim. Otam yosh boladek sudda sud'yaga qarab yig'lardi.
OTAM YIG'LARDI!

Tasavvur ham qila olmasdim. O'sha mansabdor, viqor bilan yurgan men uchun dunyodagi eng qaxrli inson yig'lardi! Mana shu onda tamom bo'ldim...

Bu hayotimdagi eng og'ir kun edi...