Hayotda eng muhimi nima?
O'qituvchi darsga o'zi bilan bir necha narsani olib keldi. Qo'ng'iroq chalingach, u kattakon bo'sh bankani qo'liga oldi va unga yirik toshlar sola boshladi. Keyin talabalaridan "Banka to'ldimi?" - deb so'radi. Talabalar tasdiq ishorasini qilishdi.
Professor keyin maydaroq toshlarni olib bankaga soldi. U bankani ozgina silkigan edi, maydaroq toshlar yirik toshlar orasidagi bo'sh joylarni to'ldirdi. U yana talabalardan "Banka to'ldimi?", - deb so'radi. Ular jo'rovoz bo'lib: - Ha deyishdi.
Keyin professor boshqa idishdan qum olib, bankaga soldi. Turgan gapki, qum bankada qolgan bo'shliqni to'ldirdi. U talabalarga yuqoridagi savolni takrorladi. Talabalar bu safar ikkilanmay: "Ha", - deyishdi. "Qaranglar, - dedi professor, - sizlarga aytmoqchi bo'lganim - hayot shu bankaga o'xshaydi. Yirik toshlar hayotingizdagi eng muhim narsalaringiz - oilangiz, turmush o'rtog'ingiz, sog'ligingiz, farzandlaringiz. Ulardan boshqa hamma narsangizni yo'qotgan taqdiringizda ham hayotingiz to'liq bo'lib qolaveradi. Maydaroq toshlar ahamiyatli boshqa narsalar - ishingiz, uyingiz, mashinangiz. Qum esa, qolgan mayda-chuyda narsalardir. Hozir qumni avval solganimizda yirikroq toshlarga joy qolmay, banka to'lib qolgan bo'lardi. Hayotingiz ham xuddi shunday davom etadi.
Vaqtingiz va quvvatingizni mayda-chuydalarga sarflasangiz, o'zingiz uchun muhim bulgan narsalarga e'tibor qilolmay qolasiz. Eng muhimlariga ko'prok ahamiyat bering. Turmush o'rtog'ingizni avaylang. Farzandlaringiz bilan o'ynang. Ota-onangiz ko'nglini oling. Ishga borishga, uy tozalashga, tuy qilishga yoki uyingizni ta'mir qilishga doim vaqt topsa bo'ladi. Yirik toshlar - o'zingiz uchun favqulodda muhim bo'lgan narsalarga ko'proq ahamiyat bering. Qolgan narsalar bir siqim qum".