Homiladorlik davrida vanna qabul qilish mumkinmi?

Ko'pchilik bo'lg'usi onalarni homiladorlik davrida vanna qabul qilish yoki dush bilan cheklanib qo'ya qolinishi kerakmi, degan savol xavotirga qo'yadi. Aslida, farzand kutayotgan ayollarga issiq haroratli vannalar tavsiya etilmaydi. Kichik muddatlar iliq suvli muolajalarga ruxsat bo'lgani bilan ayrim qoidalarni bilib qo'ygan ma'qul.

Xususan:

1. Birinchi o'rinda homilador ayolning xavfsizligini o'ylagan holda vanna ichiga, maxsus rezina gilamcha to'shalishi zarur. Shunda sirpanib yiqilib tushish kabi qo'rqinchli asoratlardan xalos bo'linadi.

2. Vannaning toza bo'lishiga ahamiyat bering. Uni cho'milishdan oldin, albatta, yuving.

3. Suv harorati 37-38 darajadan oshmasligi kerak. Issiq suv bola tushishi va muddatdan oldingi tug'riqni chaqirishi mumkin.

4. Iloji bo'lsa, vannaxonada ushlagichlar bo'lsin. Іomiladorlikning uchinchi uy oyligida ushlagichlarning nafi tegadi. Agar ular bo'lmasa, turmush o'rtog'ingizdan yordam so'rang.

5. Vannaxonada uzoq qolib ketmang. 15-20 daqiqa optimal vaqt. Haftada 2-3 martadan ko'p vanna qabul qilmang. Uzoq vaqt cho'milish bachadonga infektsiya tushirishi mumkin.

6. Iloji boricha, cho'milish uchun maxsus ko'pikni homiladorlik vaqti ishlatmay turing. Ilgari allergiya kuzatilmagan bo'lsa ham, homiladorlik paytida turli ta'sirlarni paydo qilishi mumkin.

7. Rayxon, rozmarin, dolchin moylaridan tayyorlangan xushbo'ylantiruvchi moylardan foydalanmang.

8. 28 haftalik homiladorlikdan so'ng esa dush qabul qilish kifoya.