Tarvuz va qovunning shifosi

Tarvuz shifosi.

Ibn Sino tarvuz mevasini jigar, buyrak kasalliklarini davolashda hamda siydik haydovchi dori sifatida ishlatgan. Tarvuz sharbati chanqoq qondirishi bilan birga, o't va siydik haydash xususiyatiga ega. Shuning uchun yurak, buyrak va jigar kasalliklarida uni iste'mol qilish tavsiya etiladi.

Xalq tabobatida tarvuz sariq kasalligi bilan og'rigan bemorlarga va bezgak xurujida tavsiya qilinadi. Tarvuzning quruq po'choqlaridan tayyorlangan damlama yo'g'on ichakning o'tkir va surunkali yallig'lanishida yordam beradi.

Tarvuz kishini ozdirishda yordam beradi, parishonxotirlikning davosi sifatida ham ishlatiladi. Tarvuz urug'larining sut bilan yaxshi aralashtirilgani bachadondan qon ketishini to'xtatadi, mag'izlari gijja haydovchilardan hisoblanadi.

Ideal tarvuz.

Tarvuz o'ymakorligi karving, tasanno!

Tarvuzdan gul yasash mana bunday bo'ladi.

Tarvuzni parishonxotirlikka qarshi, kamqonlikda darmon bag'ishlovchi, shuningdek, o't va siydik ajratish yo'llarida tosh bo'lganida , anemiya (kamqonlik), surunkali qabziyat (ich qotish) da tarvuzni 100-250 g dan kuniga 4-5 mahal eb turish tavsiya etiladi.

Teri quyoshdan kuyganda: Tarvuz sharbati dokaga shimdirilib, 15-20 daqiqaga kompress tarzida qo'yiladi. Muolaja bir kunda 2-3 marta bajarilsa, terida hech qanday ortiqcha o'zgarishlar kuzatilmaydi.

Qovun shifosi.

Hadisi sharifda:
"Meva yeganingizda qovun va tarvuz englar, chunki ular jannat mevalaridir va ularda ming ne'mat va ming rahmat bor. Ularni yeyish barcha kasalliklarni ketkazadi", - deyilgan.

Qovun turli vitaminlar, ko'p miqdorda temir va tsellyulozalarni mujassamlashtirgan. Ichaklarni tozalaydi, gemoglobinni ko'paytiradi, jigarni yumshatadi, ohak va toshlarni eritadi va tushiradi, siydikni ko'paytiradi. Yangi qovun qon kasalliklari, skleroz, gemmoroy, buyrak va yurak kasalliklariga foydali, ich qotishini yo'qotadi. Tug'ishdan avval qovun eyish tug'ishni osonlashtiradi.

Eng shifoli qovun yaqin polizdan kelgan va geni o'zgartirilmagan qovundir. Turib qolgan qovunda zararli modda ko'payadi. Yangi qovun urug'i teri, ich va tashqi yaralarga foydali.

Latifa:

Tajribali tarvuz sotuvchisi o'g'lini boshiga bir chertib, imtihonlarga tayyor yoki tayyor emasligi bilib olarkan!

O'g'il kechki payt mast kelib, uyga kirsa, stolni ustida qovun turgan ekan. "Bir oz eb yotay, bo'lmasam uydagilar ichib kech kelganimni bilib qolishadi" - deb, qovunni eb uxlabdi. Ertasi oyisi: — Ey, uyati yo'q, tur! Kechqurun uyga ichib kebsan-a ? — Yo'q, oyi.. Men ichganim yo'q, nimalar deyapsiz? — Ichganim yo'q? Tunda oshqovoqni yarmini yeb qo'yibsanku dermish.

Eng qiyin hazm bo'ladigan narsa qovun bo'lib, uning tanaga singib ketishi uchun 18 soat vaqt kerak. Go'sht va osh 12 soatda hazm qilinadi.

OQ-AYIQ.NET saytimizga yuklangan tarvuz va qovun haqidagi malumot sizga manzur bo'lgan bo'lsa va yanada ko'proq boshqa mevalar haqida yoki tarvuz navlari haqida ma'lumotlar yuklanishini istasangiz bizning saytimizda izoh qoldiring, do'stlaringiz bilan ulashiing.