Qorinni yo'qotish uchun foydali tanovul!
"Bugun maza qilib ovqatlanaman-u, 2 kilogrammga ozaman!" Shunaqasi ham bo'larkanmi, deya hayron bo'layotganlar diqqatiga: agar taomnomani to'g'ri tashkil etsangiz, qancha yesangiz ham to'lishmaysiz. Aksincha, aql bilan ozishni o'rganasiz! Xo'sh, bu ish qanday bajariladi? Keling, birgalikda o'rganamiz!
GO'SHT O'RNIGA QO'ZIQORIN
Ushbu mahsulot tarkibida xolesterinni parchalovchi letsitin moddasidan tashqari, 30 foizgacha oqsil bo'lib, bemalol go'sht bilan tenglasha oladi. Demakki, xaftada 2 marta qo'ziqorinli taom, yeguliklar tayyorlab, tana vaznini me’yorda saqlash mumkin.
ORTIQCHA YOG'LARGA QARSHI LAVLAGI
Hom yoki qaynatib pishirilgan qizil lavlagi tana vaznini me’yorda saqlashni istaganlar uchun noyob topilma. Kunora tushlik yoki kechki ovqatga lavlagidan salat yoki taom tayyorlab iste’mol qilinsa, moddalar almashinuvi yaxshilanib, qonda qand va xolesterin miqdori kamayadi.
YENGIL TANOVVUL UCHUN YERYONG'OQ
Diyetologlar tavsiyasiga ko'ra, nonushta va tushlik o'rtasida yengil tamaddi qilib olish mumkin. Bunda ishtahani qulflash va ochlik hissini bartaraf etish uchun yeryong'oqni tanlang. Bor-yo'g'i 100 gr yeryong'oq yeysiz-u, 560 kkal foyda topasiz. Ana shu bir siqimining o'ziyoq organizmda moddalar almashinuvini 11 foizga faollashtiradi.
