Загрузка...
Опрос посетителей
Оцените работу движка

Добро пожаловать на нашем любимом сайте OQ-AYIQ.NET посвященный Шоу-Бизнесу Узбекистана! На нашем сайте вы найдете много интересных новостей, произведения искусство от лучших Узбекских исполнителей и сможете без проблем скачать себе. Все новости удобно отфильтрованы по разделам. В верхней части сайта имеется удобный поиск по сайту, где вы сможете найти то что Вы ищете, например мп3 Уз, клипы Уз, фильмы Уз, которую вы так давно искали. Кстати не забудьте добавить Наш сайт OQ-AYIQ.NET в Закладки.
13 сен 22:14Foydali maslahatlar

Yuz terisi parvarishi, uy sharoitida tozalash, niqoblar.

Загрузка...

Parizoda rasmiParizoda rasmi

GO'ZALLIK HAQIDA FOYDALI MASLAHATLAR.

Yuzimizda qora nuqtlarga nuqta qo'yamiz!

Yuz tozalash muolajasini teriga sun’iy nafas berish bilan qiyoslash mumkin. Teridagi teshikchalar yog'li tiqinlardan xalos etilgach, yuz kislorod hamda namlikdan bahra oladi. Uqalash va foydali niqoblar surtish faqatgina tozalangan yuzga ijobiy ta'sir ko'rsatishini inobatga olgan holda bir oyda bir marta bu tadbirni o'tkazish shart. Kosmetologik salonlarda taklif etilayotgan xizmatlar sizga qimmatlik qilsa, muolajani uy sharoitida ham bemalol amalga oshirsa bo'ladi.

Tayyorgarlik jarayoni: Uy sharoitida yuzni tozalashga kirishishdan avval bu jarayon uchun kerakli vositalarni tayyor qilib qo'ying.

Buning uchun bizga:

  • soch to'g'nog'ichlari;
  • paxtali diskchalar, qog'oz sochiqchalar;
  • pardozni artish uchun "sut" (molochko) va yuzni yuvish uchun gel;
  • qaynoq suv to'ldirilgan idish;
  • ikki dona pahmoq sochiq;
  • doka niqoblar (ko'z va burun uchun teshiklar qoldirib oldindan tayyorlab qo'yiladi);
  • bint;
  • skrab;
  • shifobaxsh o'tlar damlamasidan tayyorlangan muz bo'lakchalari (terini tinchlantirish uchun) kerak bo'ladi.

Shifobaxsh o'tlardan damlama tayyorlashda, albatta, teringiz turiga ahamiyat bering. Agar yog'li teri sohibasi bo'lsangiz, yalpiz, eman po'stlog'i, moychechak, jo'ka (lipa) daraxti barglaridan foydalanishingiz mumkin. Quruq turdagi teri uchun lavanda, tirnoqgul (kalendula) va limono'tli damlama ayni muddao.

Yuz parvarishi fotoYuz parvarishi foto

1-qadam: Tozalash.

Yuzingizga tushib turishi mumkin bo'lgan soch tolalarini yuqoriga yig'ib qo'ying. Qo'lingiz va yuzingizni issiq suvda yuving. Kosmetik "sut" va paxtali diskchalar yordamida pardoz qoldiqlarini artib tashlang. Imkon qadar yuzni sovunda emas, balki maxsus gel bilan yuvishni maslahat beramiz. Yuvganingizdan so'ng yuzingizni sochiqqa ishqalab artmang, shunchaki suvini sochiqqa shimdirib oling.

2-qadam: Issiq kompress yohud bug'li vanna.

Teri teshiklarida to'plangan kirni tozalash uchun avvalo ana shu teshiklarni ochish talab etiladi. Bu ishni quyidagi ikki usul yordamida amalga oshiramiz:

Bug'li vanna: Oldindan tayyorlangan idishga qaynoq suv quyilib, shifobaxsh o'tlardan solinadi. Idishdan chiqayotgan bug' yuzni kuydirmaydigan darajada ekanligiga amin bo'lgach, idish yuzasiga yuzingizni tutib, ustingizdan sochiq yoping.

Bug'li vannaning davomiyligi yuz terisining turiga qarab belgilanadi:

  1. Yog'li teri - 10 daqiqa,
  2. Quruq teri - 3-4 daqiqa,
  3. Aralash teri - 7 daqiqa,
  4. Normal turdagi teri esa 5-6 daqiqa bug'li vanna qilish tavsiya etiladi.

Yurak-qon tomir va nafas olish tizimida ayrim kasalliklar kuzatilsa, maslahatimiz issiq kompressdan foydalaning.
Issiq kompress: Doka matosidan tayyorlangan niqobni issiq damlamada xo'llab olib, yuzga qo'yiladi. Niqob sovuganini his qilishingiz bilan uni namlab turish lozim.
Issiq kompressdan 8 daqiqadan ko'p foydalanish tavsiya etilmaydi. Bu muolajalardan so'ng teri teshikchalari ochiladi.

Endi yuz tozalashning asosiy qismiga o'tsa ham bo'laveradi.

Yuz tozalashYuz tozalash

3-qadam: Teri teshikcha (qora nuqta)larini tozalash.
Qora nuqtalar ehtiyotkorlik va ohistalik bilan barmoqlar yordamida siqib olinadi. Buning uchun tirnog'ingizdan aslo foydalanmang! Barmoqlaringiz uchiga bint o'rab olishni unutmang. Yuz terisidagi teshikchalarni tozalash jarayonini peshanadan boshlab dahan qismi bilan tugatish lozim. So'ngra yanada samarali bo'lishi uchun skrabdan foydalaning. Yengil uqalovchi harakatlar bilan skrabni yuzga surting, so'ngra iliq suvda yuvib tashlang. Odatda ko'pchilik shu bilan yuz tozalash jarayonini yakunlaydi. Biroq bu katta xato sanaladi. Muolaja professional darajada amalga oshirirish istagida bo'lsangiz, bug'lash yordamida ochilgan teri teshikchalarini yopishni unutmang.

Yuzni tozalashYuzni tozalash

4-qadam: Teri teshikchalarini yopish.

Buning uchun shifobahsh o'tlar damlamasidan muz bo'lakchalari tayyorlab qo'yish lozim. Yuzga birdaniga muz tegishi salbiy ta'sir ko'rsatmasligi uchun avval sovuqroq suvda yuzni chaygan ma'qul. Taxminan 3-4 daqiqa dvomida muz bo'lakchalari bilan yuzingizni yengil uqalang. Shu bilan yuz tozalash tadbiri o'z nihoyasiga yetadi.

Yuz tozalash jarayonining qanchalik tez-tez amalga oshirilishi teri turiga bog'liq. Quruq teri sohibalari bu ishni bir oyda bir marta, yog'li teri
egalari esa bir oyda ikki marta amalga oshirilishlari yetarli. Shuningdek, homiladorlik, hayz davri, shamollash, allergik va astmatik, teri hamda burun bo'shlig'i (tonzillit, gaymorit) kasalliklarida yuz tozalash muolajasini o'tkazish tavsiya etilmaydi.

Husnbuzarlardan aziyat chekayotganlarga alohida maslahat: Siz yuzingizni o'zingiz aslo tozalamang! Bu ishni malakali mutaxassis - shifokor-kosmetologga ishonib topshiring! Chunki husnbuzar ham kasallik sanaladi.

Uy sharoitida yuz uchun mashhur "qora niqob"ni tayyorlash usuli.

Qora nuqtalar - nafaqat yuzlab o'g'il va qizlar uchun, balki ba'zi katta yoshlilar uchun ham ko'ngilsiz hol hisoblanadi. Ko'pchilik qora nuqtalarni yo'qotish uchun maxsus preparatlar va kosmetolog xizmatiga katta mablag' sarflaydi. Lekin buning arzon va oson yo'li - faollashgan ko'mirdan tayyorlangan niqob.

Yuzga niqobYuzga niqob

Ko'mir - ajoyib absorbent.

U nafaqat teridagi kir va yog'larni, balki teri yuzasini zaharli moddalardan ham tozalaydi. Niqobni surishdan oldin, yuzni sovunlab yuvish va dorivor o'simlik solib qaynatilgan suv bug'i yordamida yuz terisi teshikchalarini yaxshilab ochish zarur.

"Qora niqob"ni esa quyidagicha tayyorlaymiz:

  • Bir osh qoshiq jelatin va bir osh qoshiq sutni aralashtiramiz va bir necha daqiqa damlab qo'yamiz.
  • Bir tabletka ko'mirni mayda kukun qilib ezamiz va uning ustiga sepamiz.
  • Aralashmani bug'da yoki mikroto'lqinli pechda isitamiz.
  • Sovitamiz va yuzga qatlam-qatlam qilib suramiz.
  • Yaxshilab qurigach, hosil bo'lgan qobiqni ehtiyotlab olib tashlaymiz.

Burundagi qora nuqtalar uchun tavsiya.

2 osh qoshiq makkajo'xori unini bir dona ko'pirtirilgan tuxum oqi bilan aralashtiring. Tayyor niqobni yuzdagi qora nuqtalar ustiga surting. Qurib qolganida avval iliq, so'ng sovuq suv bilan yuving. Muammodan xalos bo'lish uchun muolajani ikki marta takrorlasangiz, kifoya.

Yuzdagi xavo teshikchalari.

Yuz terisi turini to'g'ri aniqlash. Yuz terisini to'g'ri parvarish qilish, birinchi navbatda teri turi uchun kosmetik mahsulotlarni to'g'ri tanlashga bog'liq. Yuz terisiga mos kelmagan mahsulotlarni ishlatish ko'p hollarda foyda bermaydi, ba'zan esa aks-ta'sir ko'rsatadi. Shu sababli parvarish jarayonini boshlashdan oldin o'z yuz terimiz turini va undagi muammolar sababini aniqlab olishimiz lozim. Buning uchun ko'zguga boqib, yuz terisiga diqqat bilan e'tibor berish kerak bo'ladi.

Agar sizda quyidagi alomatlar mavjud bo'lsa, demak siz muammoli yuz terisi egasisiz.

  • yuzda mayda qizil toshmalar bor,
  • yuzdagi teshikchalar kengaygan,
  • yuzga va burun ustida qora nuqtalar (kamidon) bor,
  • yuz yog'lanib tez kirlansa,
  • yuzdagi qizil toshmalar uchi yiringli bo'lsa.

Bunday yuz terisi egalari asosan 20-25 yoshgacha bo'lgan yoshlarni tashkil etadi. Bu yoshda organizmda gormon o'zgarishi bo'lib, u o'tkinchidir. Lekin shu davrda gigiyena va kosmetik mahsulotlardan to'g'ri foydalanilmasa, o'zidan chuqur va xunuk iz qoldiradi. Buning uchun birinchi navbatda gigiyenaga amal qiling. Tez-tez dush yoki vanna qabul qiling. Yuzingizni siqmang, qo'lingiz bilan qizil toshmalarga hadeb teginmang. Bu paytda infektsiya tushish ehtimoli yuqori. O'z vaqtida kosmetik mahsulotlardan to'g'ri foydalansangiz yuzingiz tiniq va yanada jozibali bo'ladi.

Parvarish tartibi:

  1. Gel bilan har kuni 2 mahal: ertalab va kechqurun yuz yuviladi.
  2. Tonikda artiladi
  3. Ugrilar bo'lsa maxsus ugri uchun krem surtiladi.
  4. 4-5 kunda bir marta niqob yoki skrab quyiladi.

Lekin hozirda sotuvda har kuni ishlatsa bo'ladigan (3 v 1) gel +maska+skrab bor.

Quyidagi alomatlar sizning yuz teringiz quruq ekanini bildiradi:

  • yuz ertalab yuvilganda tortishsa,
  • yuzda sezilarli mayda ajinlar bo'lsa,
  • yuzga umuman suv tekkizib bo'lmasa,
  • yuz doim qurushqoq bo'lsa,
  • yuzda dog'lar bo'lsa,Bunday yuz terisini o'z vaqtida namlab, himoyalamasa yuzga tez ajin va dog' tushadi.

Parvarish tartibi:

  1. Molochkoda yuzni ikki mahal yuviladi.
  2. Tonikda artiladi.
  3. Himoya krem - quyoshdan himoyalovchi, oqartiruvchi, namlantiruvchi krem surtiladi.
  4. Maxsus quruq yuz terisi uchun niqob va skrab ishlatiladi.
  5. Kechqurun, maxsus quruq yuz terisi uchun namlantiruvchi va oziqlantiruvchi krem surtiladi.

Keyingi alomatlar yog'li yuz teri egalarida bo'ladi:

  • yuz doim yog'lanib tursa,
  • yuzdagi teshiklar kengaygan bo'lsa,
  • yuzda va burun ustida qora nuqtalar bor bo'lsa,
  • barmoqlar peshona, yuz va iyak sohasida yurgizilganda yog'lansa.

Bunday teri egalarini dog' va ajinlar xech qachon bezovta qilmaydi. Lekin bu yuzni o'z vaqtida oziqlantirib, namlantirish shart.

Parvarish tartibi:

  1. Gelda yuzni ikki mahal yuviladi.
  2. Tonikda artiladi
  3. Maxsus yog'li yuz terisi uchun namlantiruvchi, yuz teri yog'ini ishlab chiqarishini tartibga keltiruvchi himoya kremi surtiladi.
  4. Har 4-5 kunda maxsus yog'li yuz terisi uchun niqob va skrab qo'yiladi.
  5. Kechqurun, maxsus yog'li yuz terisi uchun oziqlantiruvchi,namlantiruvchi krem surtiladi.

Aralash yuz terisi egalaridagi alomatlar quyidagicha:

  • peshona va burun usti terilari yog'li bo'lsa,
  • yuz atroflarining ba'zi joylari quruq bo'lsa,
  • yuz yuvilganda ba'zi joylari achishsa,
  • yuz ba'zan yog'li va ba'zan quruq bo'lsa.

Bu yuz terisi ham ozuqa va himoyaga muxtoj bo'ladi. Quyoshda yuz terisiga dog'lar tushadi, ajinlar paydo bo'ladi.

Parvarish tartibi:

  1. Gelda yuz ikki mahal yuviladi.
  2. Tonikda artiladi.
  3. Himoya - oqartiruvchi, himoyalovchi krem surtiladi.
  4. Maxsus aralash yuz terisi uchun niqob va skrab qo'yiladi.
  5. Kechqurun, maxsus aralash yuz terisi uchun oziqlantiruvchi, namlantiruvchi krem surtiladi.

 Yuz go'zalligiYuz go'zalligi

Ta'sirchan yuz terisi egalaridagi alomatlar quyidagicha:

  • yuz terida mayda qizil tomirlar bor bo'lsa,
  • yuz quyoshda achishib qizarsa,
  • sovunlab yuvganda achishib qizarsa,
  • sovuq kunlarda achishib qizarsa.

Bu yuz terisi ham namlikka, ozuqaga va himoyaga muhtoj bo'ladi. O'z vaqtida parvarish qilinmasa yuzga ajin va dog'lar tushadi.

Parvarish tartibi:

  1. Molochkoda 2 mahal yuz yuviladi.
  2. Tonikda artiladi.
  3. Himoya - oqartiruvchi, ximoyalovchi krem surtiladi
  4. Maxsus ta'sirchan yuz terisi uchun niqob va skrab qo'yiladi.
  5. Kechqurun, maxsus ta'sirchan yuz terisi uchun oziqlantiruvchi, namlantiruvchi krem surtiladi.

Agar siz yuz turingizni to'g'ri aniqlashga qiynalsangiz, maxsus ta'sirchan teri uchun to'plamdan foydalanashingiz mumkin. Bu to'plam barcha turdagi yuz terilariga mos keladi.

OQ-AYIQ.NET dan go'zallik sirlari.

Похожие новости:
Yuz terisi parvarishi uchun maslahatlar Yuz terisi parvarishi uchun maslahatlar Foydali maslahatlar AJINLAR PAYDO BO'LMASIN DESANGIZ AJINLAR PAYDO BO'LMASIN DESANGIZ Foydali maslahatlar
Загрузка...
Fikr qoldirish
Ваше Имя:
Ваш E-Mail:
Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищённой ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Введите код:
Партнеры
Загрузка...
Личный кабинет