Yosharish sirlari
Yosharish uchun tabiiy vositalar, 18 yoshli qizlar kabi bo'lishni istaysizmi?
Mutahassislarnig fikricha, 27 yoshdan so'ng teri o'zining qayta tiklanish hususiyatini qisman yo'qotib, tawqi omillarga nisbatan ta'sirchan bo'lib qolar ekan. Shunday ekan, dastlabki ajinlarning ayni shu yoshdayoq paydo bo'lishiga ajablanmasak ham bo'ladi.
Demak teri parvarishiga e'tiborni ham shu yoshdan ko'paytirgan maqul. Hozirda terini yoshartirish uchun mo'ljallangan kosmetik vositalarni son-sanog'i yo'q, ular haqidagi reklamalar esa yanada jozibali. Ammo parvarishdagi eng ishonchli usul baribir tabiiy vositalar bo'lib qoladi. Muhimi, ulardan o'rnida va bilib foydalanishdir. Buning uddasidan chiqsangiz, eng qimmatbaho vositalar ham ular oldida ep esholmaydi. Yosharish sirlari siz uchun ochiladi, demak boshladik.
Vitaminli niqob.
Kosmetik salonlarida yoshartiruvchi muolajalar o'tkazishni barchaning ham cho'ntagi ko'tarmaydi. Bu holatda uy sharoitida salon muolajalari o'rnini bosuvchi niqoblarni qo'llash o'rinli.
Ana shunday samarali niqoblardan biri quyidagicha tayorlanadi:
1 osh qoshiq glitsirinni 2 osh qowiq sovuq suvda aralashtirib, 2 tomchi zaytun yog'i va bir necha tomchi suyuq E vitaminini qushing. Ushbu niqob terini yumshatib, uni qurishishdan saqlaydi. Foydali tarkibiy qismga egaligi sabab niqobdan turli yoshda ham foydalanish mumkin.
Tozalovchi ichimlik.
Organizmni yoshartirish uchun teri parvarishining o'zi yetarli emas, albatta. Zero, qarish jarayoni avvalo organizmning ichidan boshlanadi. Organizmda chiqitlarning yig'ilib qolishi esa bu jarayonni yanada tezlashtiradi. O'z navbatida chiqitlarning ko'payishi radiatsiyaning yuqoriligi, noto'gri ovqatlanish, zararli odatlar va boshqa omillar bilan bog'liqdir.
Organizmni chiqitlardan xolos qilish uchun vaqti-vaqti bilan tozalash ishlarini o'tkazish lozim. Buni turli usullar bilan amalga oshirish mumkin, ulardan biri zig'ir urugidan tayorlangan ichimlik.
U quyidagicha tayorlanadi:
1 osh qoshiq zig'irning quruq urug'iga 2 stakan qaynoq suv quyilib, 8 soat tindirib qo'yiladi. Shu maqsadda termosdan foydalanish qulay. Dorivor damlamani kuniga 3-4 marta ovqatdan yarim soat avval 0.5 stakandan ichish lozim. Ichimlik deyarli biron ta'm va hidga deyarli ega emas, shuning uchun ham oson istemol qilinadi. Organizmni tozalashdan tashqari bu ichimlik vazn tashlashga ham yordam beradi.
Ichki namlik.
Kuniga 1.5-2 litr suv ichish lozimligi haqida ko'p bora eshitgan bo'lsangiz kerak, ammo doim ham unga amal qilasizmi? Holbuki suv teri hujayralarining tiklanishi va namlanishi uchun nihoyatta zarur. Hatto eng qimmatbaho namlantiruvchi kremlar ham suvchanlik naf bermaydi. Zero, kosmetik vositalar terini yuza qisminigina namlantiradi, suv esa har bir hujayrani ichidan namlaydi.
Har kuni belgilangan miqdorda suv istemol qilishga odatlangan kishilar odatda tarang, etarlicha namlangan yuz terisiga ega bo'ladilar.