Erkak va ayolning psixologik farqlari.

Olimlarning fikricha ayollar asosan tinch va standart shart-sharoitlarda yaxshi natijalarni ko'rsatar ekanlar. Masalan, miltiqdan otishda, osoyishta va xotirjam holatda erkaklar ularga merganlikda yeta olmaydilar.

Ayni paytda, ikki-uch xil xil ishni bajarish, noodatiy va asabiy vaziyatlarda (bir jinoyatchiga nisbatan qurol ishlatish kabi) ayollarda «tir»dagi merganlikdan asar ham qolmas ekan. Erkaklar bo'lsa buning aksi, tezkor vaziyatlarda yuqori aniqlik va tartib bilan qurol ishlatishga qobiliyat paydo bo'larkan. Ya’ni, erkaklarda ruhiy-psixologik holat ancha mo'’tadil, bosiq bo'lganligi uchun tezda vujudga kelgan nostandart vaziyatni to'g'ri baholab, shunga muvofiq harakat qilish, nazariyani amalga tatbiq qilish ancha yaxshi rivojlangan ekan.

Bu borada misollar ko'p, bu yerda hammasini keltirib o'tirmadim. Ajabmaski, shuning uchun ham, balki, ba’zi kasblar – jarrohlik, fuqaro aviatsiyasida uchuvchilik, «Formula 1» bolidi va boshqa shu singarilarda ishlovchilarning 99,9%ini erkaklar tashkil qilsa.

Erkaklar to'g'ri ma’noda tug'ma «ovchi»: jismonan va psixologik kuchli, oilaning moddiy ta’minotchisidir. Bu – Allohning hikmati. Erkakning oilaga bosh bo'lish vazifasi shu sababdan yuklatilgan bo'lsa, ehtimol.

Endi hozirgi ko'chalarimizdagi ahvol o'zingizga ma’lum. Mashinalar, tirbandliklar, har xil «shumaxer» haydovchilar ko'p. Yoki bo'lmasa, xayolparast piyodalar… Bunday xavfli, asabiy vaziyatlarda albatta aksariyat ayollarda ularga zarur bo'lgan sovuqqon psixologik holat yetishmasligi tabiiy. Endi o'ylab ko'ring, Xudo ko'rsatmasin (aslida bunday voqealar bo'lgan), agar ayol kishi mashinasida odam urib, o'ldirib qo'ysa-yu, uning emizikli farzandi bo'lsa, nima bo'ladi?!

O'zim ham haydovchiman, bir mashina orqasidan yurib, uning harakatlanishiga qarab, rulda ayol kishi bo'lsa kerak desam, haqiqatda shunday bo'lib chiqadi. Chunki harakatlanishida ishonchsizlik bilinib turadi.

Boshka tarafdan qarasak, ayollar uchun oddiy bo'lgan kundalik uy yumushlarini erkaklar umuman qila olmaydilar. Shuning uchun erkak va ayol o'ziga xos bo'lgan ishni qilishi to'g'riroq bo'lsa kerak. Yana ham Alloh bilguvchiroq!